Yeh Barish!

Yeh Barish kuch khatte kuch meethe pal laate hai,
Yeh barish teri yaad dilate hai,
Tere sang kaate wo saare pal
Inn boondon ke zaariye mere dil me utarte hain,
Kabhi ek hasi de jaate
Kabhi aankon me aansu bhar dete hain.
Yeh barish humesha teri yaad dilaate hai!

Humari pehli mulakat bhi iss barish ne karwai thi
Main tujhe dekhta raha aur tu nadiyan ki tarah nikal gai,
Jab tujhe apni zindagi me paaya toh socha ab meri hi rahegi
Par bhul gaya tha, tu abhi bhi nadi hai aur usi tarah bahegi.
Main sagar toh nahi ki tujhe khud me sama loon
Par main itna zarur kahunga, Main inn barish ki boondon ki tarah hoon,
Nadiyan ka hissa bann rahunga.
Tu meri nahi toh kya
Kahin na kahin main ab bhi tujhme hoon,
Kyun ki barish ko nadiyon se alag na kar paegi tu!

Happy Father’s Day My Hero❤️!

Mere nanhe haantho ko tham chalna seekhaya tha,
Kadamon ko kaise aage rakhna hai batlaya tha.
Mujhe mushkilon se ladna seekhaya tha,
Ek nanhi pari se warrior banaya tha.

Aap balidaan ke moorat ho,
Mere liye bhagwan ki soorat ho.
Apna sab kuch aapne humme baant diya,
Apna jeevan humare liye kaat diya.

Humari sari zaruraton ko humesha pura kiya,
Usko aapne apna farz bana diya.
“Mujhe Kuch Nahi chahiye” kehte rahe,
Uss tuti chapal ko baar baar silaate rahe.
Diwali par naye kapde hume aapne dilae,
Khudki bari me wahi purane kapde pehen aae.
Kuch maangne se pehle hi harr cheez dilai hai,
Humari khwaishein apne palkon pr sajai hai.

Zindagi ke baare me boht kuch aapne bataya hai,
Duniya aur duniyadari kya hoti hai sikhlaya hai.
Kaise aapne harr mushkil ko aasani se dur kiya hai,
Ese hi thodi maine aapko apna ideal maan liya hai.

Logon ko hero bade parde par dikha hai,
Mujhe to ek hero me bada kiya hai.
Aapke baare me kuch likhna chota muh badi baat hogi,
Aapki kurbaniyan ek panne me tabdeel nahi kr sakti.

Ek Kadam

The journey of thousand miles begins with one step.

-Lao Tzu

Uss sapne ke liye,
Usse paane ke liye
Bas ek kadam badhana hai

Ek nayi soch ke liye
Usse sach karne ke liye
Bas ek kadam badhana hai

Rashton ke kaante hatane ke liye
Unhe chalne layak banane ke liye
Bas ek kadam badhana hai

Mushkilon se ladhne ke liye
Unse nikalne le liye
Bas ek kadam badhana hai

Iss duniya ko jaanne ke liye
Yahan apni pehchaan banane ke liye
Bas ek kadam badhana hai

Logon ki baatein nazar-andaaz karne ke liye
Khud par vishwas karne ke liye
Bas ek kadam badhana hai

Maa baap ka sar uncha krne ke liye
Unhein garv se bharne ke liye
Bas ek kadam badhana hai

Kisiko khusiyan dilane ke liye
Uski muskurahat laane ke liye
Bas ek kadam badhana hai

Kisiko maaf karne ke liye
Gile shikwe hatane ke liye
Bas ek kadam badhana hai

Kisiko janne ke liye
Unhe apnane ke liye
Bas ek kadam badhana hai

Unhe dil ki baat btane ke liye
Apna pyaar jatane ke liye
Bs ek kadam badhana hai

Tutte rishte ko jodne ke liye
Uski darare mitane ke liye
Bas ek kadam badhana hai

Buri aadatein chodne ke liye
Khud ko badalne ke liye
Bas ek kadam badhana hai

Ek kadam chal liye to aage bhi chal loge
Wada kro,
Rukne ka sawal dimaag me aane nahi doge.

Happy Mother’s Day Maa❤️!

A mother is nothing less than a blessing😇🙏!

Tune hi gir kar uthna seekhaya hai,
Halaton se kaise ladna hai tune btaya hai.
“Mushkile aaengi rahon me,
Unse darna nahi”
Ye mujhe tune hi batlaya hai.

Tune pure ghar ko yunhi sambhal liya,
Mujhse to khud ka kamra na sameta gya.
Tere se seekhne ke liye boht hai Maa,
Kaash tere upar bhi ek course hota.

Aaj bhi tu “bhook nahi hai” keh kar sara khana humme baant deti hai,
Kaise humesha humpar apna sub kuch kurbaan kar leti hai.

Tujhse maine dusron ke liye jeena seekha hai,
Tere me dusron ke liye bs mujhe pyaar dikha hai.
Mere se zada mujh par bharosa tune kiya hai,
Khud par aatm vishvas mera tujhi se jaga hai.

Mera janam din tere liye bhi khaas hota hai,
Tere liye to wo din ek tyohaar hota hai.
Teri duaaon se hi maine sab hasil kiya hai,
Tu bs meri maa nahi ek farishta hai.

Tu hi mujhe iss duniya me lai hai,
Isiliye kahin na kahin mujhme teri parchai hai.
Tere jaisa banna mera ye ek sapna hai,
Mujhe to teri aadaton me bhi dhalna hai.

Tere baare me kitna bhi likh loon wo kam hai,
Tu bas mera bhagwan nahi mera dharam hai.
Tu bas meri maa mera guroor hai,
Maa tu meri zindagi ka noor hai.

Zaruri Hai, Zaruri Nahi

Haath thamna zaruri hai,
Usse chodd chale jana nahi.
Saath nibhana zaruri hai,
Beech raah mudd jana nahi.

Khushiyan zaruri hai,
Unhein tyaagna nahi.
Khushiyan bantana zaruri hai,
Cheenna nahi.

Aaj mein rehna zaruri hai,
Aage aane wale kal mein nahi.
Aage ka sochna zaruri hai,
Usme jeena nahi.

Sapne dekhna zaruri hai,
Unhein bhulana nahi.
Aage badte rehna zaruri hai,
Rukna nahi.

Uss pal me jeena zaruri hai,
Uss pal ko bhulana nahi.
Yaadein zaruri hai,
Unme bassna nahi.

Khud ko apnana zaruri hai,
Khud pr guroor nahi.
Boht kuch zaruri hai,
Sab kuch nahi.

KHUDSE PYAAR KARNA toh SEEKH…..

*SELF LOVE IS THE MOST IMPORTANT PART OF YOUR LIFE……*

Tu toh khud ko bhool sa gaya hai

Ab khud ko dusron mein dhoondta hai.

Khud se kaafi nakhush sa lagta hai

Andar hi andar apne aap se bhagta hai.

Aaj bhi tu apni maa ka lal hai

Kaale gore rang se akhir kyun hi behal hai.

Mota patla to bas shareer ka aakar hai

Insaniyat ke saamne ye sb bekar hai.

Aaj khud ko apnane ki aa gai hai tareekh

Khudse pyaar karna toh seekh.

Tere pas sab hote hue bhi tu niraash hai

Soch uss footpath par so rahe bache ke baare mein

Wo to abhi bhi kitna khushmijaz hai.

Koi tujhe na bole to chalta hai

Magar tu khudko neecha dikhae to khalta hai

Agar tu nahi to kon tujhe khud se zada apnaega?

Tu hi toh khud ke saath khushi se do pal jeepaega.

Bas bhi kar itna napna tolna

Tu apni kahani ka hero hai

Ye baat kabhi na bhoolna.

Ab thoda khud ko aaeene mein dekh

Yaar zara khudse pyaar karna toh seekh.

LOVE yourself and be hopeful, because you have
so much more ahead of YOU.
AUSTIN RHODES

KABHI KABHI

Kabhi kabhi hum gum se jaate hain,

Ek gehri soch me padd jaate hain

“Go with the flow” ya “what to do next” thoughts boht satate hain

Zindagi hume kahan liye ja rahi hai soch na paate hain

Kabhi Kabhi hum bs gum se jaate hain.

Mujhe ye ek gehra dall dall sa lagta hai

Isse mostly bs “stuck all over again” feel jagta hai

Sabki life itni sorted hai lagta hai

But jaani andar ki kahani tum nahi jaante

Ye to bs Instagram Facebook per dikhta hai,

Sb zindagi me iss daur se zaroor guzarte hain

Atakte, girte, bikharte, rukte hain

Itne saare thoughts ke baad yahi conclusion nikalta hai

This is life bro yahan esa hi chalta hai 🙂